الو انا نخونك

_ألو أنا بخونك =إيييه!! _بخونك يمريم بخونك =يخرابي يانى يلهوى على الضحك لما يدق بابك فجأة _أنتى هبلة!! بقولك بخونك =أنت متصل بيا ومصحينى من النوم يا أحمد عشان تقولى بخونك اعمل اى يعنى ههه أجى اخوني معاك !! _إنتى بتضحكى !! =أصل انت عجيب اوى .. وبعدين مين الحلوفه إلى رضيت بيك _امال انتى راضيه بيا لى !! =أنا يبنى شكرا على ثقتك الغاليه _يبنتى فوقى من ام النوم دا.. ادعدلى بق .. انا بخونك =بتخونى مع مين .. بقولك يلا استنضف كد _استنضف أنا عمرى مشوفت كد !! =يبنى اعقلها كد خطيبي متصل عليا بيقولى بخونك !! جاوبنى بصراحة ليك خال أهبل!! _لمى لسانك وخدى البنت الى بخونك معاها أهى =ايدا هتخلينى اكلمها .. دا انت قلبك مات بق .. دهبي يرجعلى انت طالق _نعم يختييي!! =إكمنى مليش حبيب ولا غريب تعمل فيا كد .. إكمن مش بعرف احط روج يعنى تقوم خاينى!! _انتى مبتعرفش تحطى حاجة اصلا =ربنا يديم عدم القبول بينا .. _طب اى اخونك ولا اى =يخربيت الأدب بجد انا مبهورة من كتر العظمة انت بتستأذن .. خونى يباشا وأفتحلك ديسكو لو عايز .. _مفيش غيرة خالص!! =أحمد معاك مقشه!! _لي!! =أصل مستغربه هتلم كرامتك منين ولا منين بعد مهزقك يعنى _ها اى تان !! =يبنى مبدأيا انا عارفه انك بتلعب الشايب مع صحابك ودا اكيد حكم .. تانى حاجة مين الحولة إلى هتبصلك تالت حاجة أنا مرقباك يبيبي ولو رمشت كد بعرف .. ف الى هو أعقل بق عشان مفسخش ام الخطوبه دى _خطوبه مين يروح امك إلى تتفسخ احنا فرحنا كمان شهر =مفيش أدب !! _لاء =مدام مفيش أدب يبقي نتربي _مستنيكى انتى تربينى =روح روح العب بعيد يلا يشاطر .. صحتنى من النوم على الفاضي خد بق 5 ساعات عشان ارجع انام تان وهيبقي فيه صراع بين عقلى وبطنى ومش هنخلص الله يحرقك _الله يهدك =الحب عدى الكلام مش هزار _اتخمدى عقبال متتخمدى ف بيتى =أحنا لو بنكره بعض اسلوب الحوار مش هيبقي كد .. خلصانة _طب متقولى لنفسك المفروض انك بنت يعنى =دا المفروض بق .. يلا سلام يرايق _سلام يفايقه .. .. (بارك الله لكما وبارك عليكما وجمع بينكما في خير) _انت هتعمل اى !! =المفروض انى احضنك حضن كتب الكتاب وكد _يبنى دا بيحصل ف الافلام بس مفيش حاجة اسمها كد هو إيه إلى حضن كتب الكتاب !! =مشي الليلة عشان الناس متخدش بالها _بالله عليك سيبنى اخطف اى حاجة من الجاتوه الناس هتخلصوا كله =مهبش المو ت بس انا بردو مش هنت-حر لاء _اى يعم الراب .. وسع كد .. أماااانى سيبي الطبق يا أماااانى متهزريش .. .. _خشي بيتك يزفتة =اى دا حيوان بتكلم اول مرة اشوف حيوان بيتكلم أحنا لازم نعمل عليك حلقه ف العلم والايمان _مش ههزقك واحنا لسه مدخلناش الشقه .. خشي =متزقش طيب عشان مفلقش دماغك ف مولة السرير _استغفر الله العظيم.. خلصانة دا تكفير ذنوب =لاء البيت حلو مفيش كلام _منا إلى جايبه =الأجهزة الكهربائية وكل حاجة بتاعتى وربي لو متعدلتش هاخد كل حاجة وهخلهالك على المحارة كد .. _يشيخة اسكتى بق دا انتى بلاء .. =انا بلاء عظيم .. عظيم جدا حقيقي انا مبهورة بيا _بقولك اى انتى كنتى بتنكدى عليا لى =انت بتقفل الباب لى .. اتصل بمامااااا تيجى تاخدنى بالللله علللليك _انا ف الفرح تقوليلى قدام الناس انت دوست على فستان طلقنى!! =منا إتاكد انى ادبست وانى مش هروح مع بابا وماما _الصبر من عندك يرب .. المهم ..طب ايه (بغمزة) =انت بتعمل كده لى عينك بتوجعك ولا اى _يخربيتك يشيخة =لاحظ أن بيتى هو بيتك يعنى لو اتخرب هنام ف الشارع .. _طب خشي غيري =هو انا مقولتلاكش _لا مقولتليش =فاتتنى دى حقك عليا مش انا هنام كد .. _لاء والله بس يجدع =والله يمان هنام كد .. _هتنامى بالفستان !! لى أن شاء الله من قلة الهدوم =هو مكتوب ف عقد الجواز انى هغير!! _نعم يما مالك!! =أيوة راجع معايا العقد لو سمحت والضمان _هو انا مشترى غسالة !! =راجع معايا بس _مش متنيل واقولك على حاجة هنام على الكنبه خشي اتخمدى نامت عليكى حيطة .. أكيد عملت حاجة وحشه بس مش فاكرها وربنا بيخلص منى دلوقتي.. دا انتى نكد =يشيخ روح تبا لك .. هو عشان بطفحك الدم ابقي نكديه يشيخ حسبي الله ونعم الوكيل .. ربنا يهد المفترى يشيخ _خلصتى !! روح اتخمدى بق =تصبح على خير يولا يجوزى _خير!! طول منا متجوزك مش هشوف خير ابدا .. =أنا !! الله يسامحك .. انا مصدومة مصدومة مصدومة ااااه _الله يست الله يفنانة .. خلصتى .. معتيش تعملى كد تان بق =هخش انام انا بق .. مش هتغير البدلة _لا مهو مش مكتوب في العقد انى اغير =بدأت تفهمنى .. _ربنا ينتقم منك .. =ربنا يخدك براحة .. #لو عاوزين اكمل وتبقي سلسله يوميات مريم وأحمد اكتبوا ف الكومنتس #ف اسكربتات مكملتهاش عشان كنت تعبانة والنت وحش عندى اوى انا بعتذر .. الجاى احسن أن شاء الله #رايكم ف كومنت يفرحنى 💛 #بقلم مريم سمير البارت الثاني 😂💛🌍”))#البارت التانى من يوميات أحمد ومريم _أنا نازل الشغل =تعرف يا احمد انا اتجوزتك لى !! _اوعى تقولى عشان بتحبينى!! =لا طبعا مش هقول كد .. عشان ظابط _يعنى لو مكنتش ظابط مكنتيش وافقتى تتجوزيني =لا طبعا كنت اترفضت على طول .. _لاء والله =أنا بكلمك من بوقي انت بتقرب لي !! _عاوز حضن قبل الشغل =على فكرة يا احمد انت مسمياتك غريبه يعنى حضن كتب الكتاب حضن قبل الشغل متهدى على نفسك كد !! _تصدقى بالله انا إلى غلطان اوعى من وشي .. =أنت قموصه اوى على فكرة .. متتأخرش _حاضر .. سلام .. _حضرت الظاااااابط =اى ف أيه .. مريم انتى ايه إلى جابك القسم حاصلك حاجة حد ضايقك !! _ضحكتنى والله مين دا إلى يسجر يضايقنى .. دا تبقي أمه داعيه عليه ساعة استجابه ف ليلة القدر =يشيخة الله يحرقك .. خضتينى .. عاوزة اى !! _عاوزة اشوفك وانت بتشتغل .. =نعم يختيييي _مش هتكلم .. هقعد ساكته =طب يلا بق عشان هنرش ميا .. ارجعى البيت _انت عارف يا احمد لو رجعت البيت من غير مشوفك وانت بتشتغل ..هترجع تلاقينى … =سايبه البيت صح !! والله قولى انك هتسيبي البيت _لاء طبعا .. دا انا إلى قادرة على التحدى والمواجهة .. انا هغير مفتاح البيت وشوف هتنام فين بق ومش بس كدا لاء انا بضحى النهاردة .. هتصل ب اهلى هقولهم انك ض-ربتنى ورفصتنى ف بوقى كنت هتخبط دماغى بالشوكة .. =ياااه انتى استقويتى اوى _عافيه ذوق يرايق =اترزعى .. مش عارف انا لازم كنت شارب استروكس يوم متقدمتلك باين _انا قولت لبابا بلاش جواز الظالونات قالى لا جربي الظالون =ظالون!! اسكتى عشان جالى شغل .. .. *أدخل المتهم يفندم ؟ _أيوة دخله يا عمو =انتى تسكتى خالص .. دخله يعم ابراهيم .. °والله يباشا انا مظلوم ومعملتش حاجة _اعترف بدل مخليك تنطق بطريقتى °والله يباشا معملت حاجة _ولا انط… =أحمد حرام كد .. وبعدين دا حلف بالله يعنى مش كذاب .. معلش متزعلش حقك عليا هو بيهزر معاك .. _عم ابراااااهيم .. خد الواد دا ولما اقولك هاتوا تبقي تجيبه .. _هو اى إلى بيهزر معاك انتى بتصالحى عيلين ف الحضانة!! =يا أحمد حرام عليك _أنتى بتدخلى ف شغلى لى !! =يا احمد دا حلف بالله _فيه ناس بتحلف كذب عادى جدا =وه وه وه _اه بدأنا هطل .. انتى عارفه هو متهم ف قضيه اى !! =أيه يترى _تحر-ش والبنت مبلغه عنه = طب منتا اتحر-شت بيا كنت بلغت عنك!! _انا جوزك و .. =مش مبرر .. أنا إلى قلبي طيب وقولت حرام اضيع مستقبلك.. حضرت الظابط افتحلى محضر ليك دلوقتي _نعم يختيييي !! =أيوة انت لازم تتعاقب زيك زيه _اطلعى برا امشي اطلعى برا مشوفش وشك هنا .. ويريت تتجنبينى ف البيت بردو عشان هخلى وشك كوم شكاير اسفلت =أحمد أحمد أحمد _ايوة انا عارف انى أسمى احمد مش جديدة عليا والله عارف .. انتى عاوزة اى !! =انت بتطردنى _يخربيت ذكائك أيوة يستى بطردك =يااااه .. اقول اى ل تيم أقوله ابوك طردنى !! _تيم مين وابوك مين =ابنى إلى ف بطنك قصدى ف بطنى يا استاذ _انتى حامل !! =لا انا بقول ف المستقبل يعنى _اطلعى برا.. اطلعى برا =مش هبان مكسورة ولا هبان يوم ضعيفه _عم ابراااااهيم .. خدها من هنا .. طلعها برا =تعالى يعم ابراهيم _أنتى بتأنكجى الراجل قدامى !! =ملكش دعوة بيا بق قولى يعم ابراهيم بقالك يومين مش عم ابراهيم بتاع كل مرة ممكن نعرف اى السبب !! _نعم يمااااا .. إذا كان دى اول مرة تشوفيه اصلا =مش شرط .. مش هقول غير كلمة واحدة روح يا أحمد قلبي غضبان عليك _مش قدام الناس طيب =استنى إتأثرت لحظة أبكى .. _مريم مرييييييم =اي يحبي ف أيه _حبي !! انتى هطله يبه !! =ف اى يبا وطى صوتك كد _انتى جيتى القسم لى ! =جيت وخلاص _طب هاتى الاكل =احمد انا مطبختش _مطبختيش !! طب لي =منا جيت من القسم اتفرجت على لن اعيش في جلباب ابي _نعم !! كل شعب مصر حافظ المسلسل .. جاوبينى بصراحة انتى متسلطة عليا .. دفعولك كام ! =يوم متسلط علي حد هيكون عليك انت .. _لا والله تمم اوى كد .. انا خطاب شاورما =احمد تعرف أن انت اغلى حاجة ف حياتى ولا لا !! _لا مش عارف .. والأكل هيجى ليا بس =احمد تعرف انك اوطى انسان ف الدنيا ولا لا _بتقولى حاجة =يخربيت الكحة .. معلش كحة فظيعة مسكانى اليومين دول _اه بحسب .. =هتأكلنى ؟ _صعبتى عليا أوى وانتى شبر ونص كد .. ربنا خد من طولك وحط ف لسانك .. يلا اهو الرفق بالحيوان واجب بردو =… _السكوت علامة الرضا .. وأنك مقتنعة بكلامى =رضا دى تبقي خالتك #يوميات أحمد ومريم 😂💛 #أكمل فيها ولا لا #بقلم مريم سمير 💛 #رايكم ف كومنت يفرحنى🌍💛 البارت الجديد يجماعة انطلقوا 😂💚🌸#يوميات احمد ومريم _أحمااااااد إصحي بولد يا أحمد بولد =يوووه موال كل يوم يحبيبيتى انتى ف الشهر التالت.. افهمى بق _قصدك أن انا مبفهمش =بقولك اى تقلبات الحمل دى مش عليا .. اتخمدى _عاوزة رنجة =ر ايه يما انتى عارفه الساعة كام ؟؟ _يرضيك ابننا يطلع عنه سمكة ف خده !! أنا بتوحم =وحم اى إلى ف الشهر التالت دا _بقولك اى يلا اسمع الكلام عشان مروحش بيت أهلى افضحك هناك =يمريم الساعة 3 الفجر بكرة اجبلك .. _ماش .. براحتك .. الاهتمام مبطلبش .. والكرامة متتشراش .. متشكرين يرجولة =العفو .. نامى بق .. _خدى الرنجة اهى =اي دا شيل البتاع دا برا انا مش بطيق ريحته _نعم يختتييييي =طلعه برا .. هجيب إلى ف بطنى وهتعب _مش انتى إلى طلبتيه !! =أنا !! _خلاص سيبك .. المهم .. انتى عاملة اي… ينهارك ابيض انتى لابسه القميص بتاعى!! =مهو مهو الصراحة يا احمد انا مرتاحة فيه جدا عشان واسع فقولت اخد كام واحد البسهم _أنتي مسبتليش غير قمصين !! =مع انى عينى عليهم بس قولت اسيبلك حاجة تستر بيها نفسك _ربنا يخليكى =ربنا يكرمك _ربنا يسامحك =لبيك اللهم لبيك _طلع البدر علينا .. _أحمد = اتكلمى ب بوقك مش ب ايدك _احمد =ب بوقك يمريم _احمد =يوووه _ايدا هتمد ايدك على واحدة نسوان!! انا قولت ل بابا ماجوزنيش واحد اسمه احمد =لا والله اشمعنا بق _كلكوا خاينين كلكوا كدابين =كلكوا !! احنا لوحدنا على فكرة _قصدى على كل واحد اسمه احمد =ظالمين الاسم معاكم مع انك انتى إلى مطلعة عين إلى جابوا أهلى _عشان بحملك فوق طاقتك ومطلعة عينك تقول عليا كد يشيخ حسبي الله ونعم الوكيل .. _احمد =ها !! _هو اول حلاق ف التاريخ مين حلقله ؟؟ =يخربيت ام الحمل يشيخة _انت بتزعقلى .. =اه _احمد =اى _هى لو نموسه قرصتنى وخدت دمى ورجعت اتجوزت وخلفت .. الناموس إلى هيتولد دا هيبقوا ولادى !! =يا خبتى يااانى .. ارحمى امى العيانة بق .. _اااه يا احمد مش قااااادرة =تعالى هنروح للدكتور _لا خلاص =انتى ف الشهر التاسع _وه .. أنا كبهير إنبهرت =مش عارف انتى ازاى هتبقي ام _أنا ست قمر وزوجة قمرين وام 3 قمرات =مين إلى قالك كد !! _خلصانة هطلقنى واتجوز تان =انقذ المجتمع والبشرية والعالم وظلم نفسه _قصدك اي !!! =ولا حاجة _اااااه يا احمد اااااه =تعالى نروح للدكتور شكلك هتولدى .. _ادخل معايا اوضه العمليات يا احمد =حاضر .. _لو مت ابقي سامحنى يا احمد =لو بق _إيهههه!! =قصدى بعد الشر يحبيبتى .. أن شاالله انا وانتى لاء _يرب .. =نعم !!! _بقولك اى .. هاتلى السبكى !! =نعم يختتييييي السبكي اى ؟ _عشان يعمل معايا زى معمل ف فيلم عمر وسلمى وولدها من غير وجع .. هاتوا يقولى (بس أوووولدى) وانا هولد على طول =صبرنى يرب .. _بتدعى عليا .. إكمنى مكسورة الجناح =انتى مكسورة الجناح!!! دا انتى جبروت .. _ااااااه يا احمد هووووولد .. .. _مبروك يا حبيبتى جبتى ولد =الله .. نسميه تيم بق _ماش .. حمدالله على سلامتك =احمد هو انت مخلفتش انت لى !! _نعم !! =يعنى انا إلى أخلف وارضع وأكنس واطبخ وامسح و.. _اقعدى كد احنا بنلحقك بكوبايه لمون قبل متقومى عشان متقعيش .. =انت لزمتك اى ف المجتمع _ظااابط =اه مهى الشرطة بتقبل من 60٪ _بتقولى حاجة =لا .. روحنيييييي البييييييت .. _بابا =عاوز اى يحبيبي _أنا عاوز اطلع حرامى =نعم !! لا يحبيبي دا حرام تاخد فلوس الناس من وراهم _خلاص اشتغل ف بنك يبابا واسرقهم قدامهم =يعنى هى المختلفه هتخلف دكتور لازم يبقي حتة طور .. #رأيكم 🍭💛 #أكمل ولا لا 🙂💛 #جاوبونى بصراحة ضحكتوا😂💛 #بقلم مريم سمير 💛🌍))” البارت الجديد 💛🚶#يوميات مريم وأحمد تعالوا نرجع لفترة الخطوبه بق _أنت العريس =لا خياله _دا بيهزر الأستاذ جاى يهزر =سلامة النظر انتى عاميه ولا اى!! _يرايق انت لو مغصوب عليا طريقه الحوار مش هتبقي كد =اه .. معلش بق اصل بشتغل .. _حد سألك !! =لا اظبطى كد _اظبط مين يعم المنبه .. بقولك اى متاخد الحجة وابوك إلى زى القمر دا وتمشوا ولا اقولك امشي انت والحاجة وسيب ابوك شكلكوا هتسمعوا خبر حلو قريب =ثوانى يجماعة نفهم .. انتى بتعاكسي ابويا !! _أنا لاء طبعا .. هو عشان بقول أنه قمر وعيونه تهبل ابقي بعاكس يشيخ حسبي الله ونعم الوكيل =ها واى كمان .. طب يستى تعالى على نفسك واتجوزينى انا _وانا إي إلى يجبرنى !! =يبنتى انا زيي زيك لا اعرفك ولا شوفت خلقتك قبل كد _انت عنيف اوى على فكرة =منا ظابط _بص بالنسبه للشبكة احنا بنشترى راجل =ايدا ف اى .. اه عشان قولت ظابط _ايوة طبعا .. حلم عمرى اتجوز ظابط .. اسمك ايه بق!! =أحمد _جاوبنى بصراحة هتخونى امتى يا ابو حميد =معنديش وقت _يعنى لو عندك كنت هتخونى .. هو كد كل احمد كدا ..كل ما هو احمد مش سالك يرايق =لا اله الا الله _محمد رسول الله يحبيبي .. مسلمة والله =وافقتى !! _مش لازم أسألك الاول =ها انطقى _نعم يبا لا أهدى كد مش عشان ظابط تمارس طريقه كلامك هنا =خلاص يستى اسف .. بعد اذنك قولى _ايوة كد .. جاوبنى بصراحة ومتتوترش مين إلى قت-ل موفاسا !! =بصي لو انتى عرفاه اكتبيلى اسمه وانا اجبهولك _ أدى اول غلط =لى كد مين موفاسا دا اصلا !! _دا الاسد الملك .. كان قمر كد زى ابوك بالظبط =انتى شقطى الحاج ف ثانيه .. _طب سؤال بق .. هتجبلى مرجيحة من الى هى طالعة جديد دى !! =مرجيحة !! متجوز واحدة داخلة اولى ابتدائي !! _دا شرطى الوحيد =ماش موافق _هتجبلى قطة !! =لا مهى حاجة واحدة _خلاص ركب المرجيحه عشان غاليه وبعد كد ابقي اسرق منك فلوس اجيب قطة =صراحتك شنجتنى .. موافقه !! _ماش مش بطال .. يلا اهو اخد ثواب =لى محسسانى انى اجايلك مركب محلول !! _يعم اقعد اتنيل =بتقولى حاجة!! _البرد هو البرد ربنا يشفينى .. =طب عاوزة اقولك حاجة _قول =أنتى جميلة اوى _ايدا ف اى ايداااا ف اى =ايييي ف ايييي _اي قول تان كد =جميلة _مين تقصدنى انا !! =ايوة _حبنا عشقنا هو انت بتتكلم عننا =حب اى وعشق اى انا عارفك من خمس دقائق _افصلنى كمان .. وانت كمان =قصدك أن انا كمان جميل !! _لاء انت كمان ابوك جامد جمودة جموديه الجمدان =بقولك اى تحبي اخليه يطلق امى !! _ويتجوزنى قصدك ويتجوزنى =اقعدى ف حتة بق عشان طالع اقولهم انك موافقه .. تمت التدبيسه قصدى الخطوبه .. _مريم .. أننى بتحبي اى بتكرهى اى عاوزة اعرف كتير عنك =واحدة واحدة عشان مقلش ادبي عليك .. _لسانك عاوز قطعه .. طويل اوى شبه خرطوم المطافى =ماش يسيدى كفايه شكرا _طب قولى بتحبي اى .. عاوزة تشتغلى اى =بحب البانجو والحشيش ونفسي اشتغل رقاصه _نعم !! متهزريش =بص يسيدى انا بحب أمى وابي جدا جدا .. بحب أصحابي بحب كل الناس إلا أنت _ياااه انتى طيب.. أيييهه!! =اى يعم الصراحة _برغم طولة لسانك بس فيكى حاجة حلوة =انا يبنى!! شكرا على ثقتك الغاليه _طب البسي هنخرج هفسحك =ايدا هتأكلنى !؟ _تؤتؤ هفسحك =مهو الخروج يعنى اكل معروفه متفتيش ف حاجة ملكش فيها خلفيه _تمم .. البسي =طيب .. .. _انت هتعمل اى !! =همسك ايدك عشان اعديكى الطريق _لى هو انا مشلولة .. عاميه وبحسس .. ربنا خلقلى الرجلين دول لى يعنى مش فاهمة =تصدقى بالله _لا اله الا الله =انا عمرى مشوفت كد _يعم لا تخرج قبل ان تقول سبحان الله =انتى جايبه البرود دا منين !! _مش هقولك عشان متروحش تجيب زيه =أنتى فيكى كميه دبش جامدة _بمجهودى مغشتش =طب عدى يكشف عربيه تخبطك عدى _بتقول حاجة =بقول عدى براحتك .. _حاضر .. مش عيلة صغيرة انا .. .. _أطلبي يلا تاكلى اى =فول وفلافل _وطى صوتك .. احنا ف مطعم .. اطلبي اكل =هو انا طلبت مبيد حشري !! منا بقولك فول وفلافل _خدى القايمة اهى واختارى =اى يعم الحاجات دى .. دى كلها ب الانجليزى _معلش تعالى على نفسك =خلصانة هناكل شاورما _بس انا مش … =جارسون شاورما لو سمحت _أنتى طلبتيلى لى !! =انت بتمسك ايدى !! _ايوة =دا انت قلبك مات بق.. انا ممكن اعمل كتير بسبب الحركة دى _هتعملى اى يعنى !! =يلهوى انت مسكت ايدى يااااانى الحقونى يناس مفيش رجالة هنا ولا ايه .. *ف مشكلة ولا اى!! =الاخ دا مسك ايدى وخدش حيائي وعاوز يتحر-ش بيا *لا سبهولنا بق =كفايه يا رجولة شكرا .. _اه اه اه يا ضهرى يا رقبتى يااانى =انشف كد دا حيلا 20 راجل ض-ربوك _لا مش انا يحبيبتى مش انا يماما .. لو كان معايا المسدس كنت .. =قت-لتهم !! _كنت ض-ربت نفسي بالنار قبل مفكر امسك ايدك .. هى دهى هى دهى كنتى تتشلى تتشلى قبل مددمت عليكى =ايوة كد شاطر _ربنا يهد المفترى يشيخة #جاوبونى بصراحة ضحكتوا 😂💛 #بقلم مريم سمير #رايكم ف كومنت يفرحنى البارت الجديد 😂💛#يوميات أحمد ومريم _عمى أنا عاوز الفرح يبقي الشهر الجاى *على بركة الله يبنى الف مبروك _طب هدخل بق عشان أفرح مريم بالخبر دا .. *الف مبروك .. .. _فرحنا الشهر الجاى =نعم .. إلى هو ازاى يعنى _الى هو زى الناس =يبنى انا عملت كل حاجة عشان اطفشك كل حاجة تخطر على بال بشر وانت لاصقه امريكانى أصيلة _ربنا يكرمك =خلصانة مش موافقه _عارفه انا عاوز اتجوزك لى =ابهرنى بق _عشان اربيكى =تربينى ياااه دا انت قلبك مات بجد يا حضرت الظابط _امال انتى فاكرة اى .. على العموم ابوكى وافق وكله تمم مبروك يعرسه =قصدك عروسه يرايق _لا عرسه بصوتك إلى فاضحنا ف كل حتة دا .. =ربنا يخليك والله .. _تعالى معايا عشان ننقي الفستان والبدلة =مش عارفه لازمتها اى المصاريف دى .. _نعم !! مش كل بنت تحلم باليوم دا =وه .. بجد .. مكنتش اعرف .. طب ثوانى هنزل اهو .. .. _الفستان دا حلو اوي يمريم =اخرس لو مدير المحل سمعك هيزود ف السعر _اى شغل أمى وأمك وأمه لا اله الا الله دا !! =اخرس يبنى .. احممم .. هو الفستان خامته وحشه اوى كد لى .. هو بكام دا لو سمحت !! * ب 5000 ج يفندم _اسمع منى 500 حلوين =اى إلى انتى بتقوليه دا هتفضحينا .. ماش لو سمحت هناخده .. _عجبك إلى انتى عملتيه ف المحل دا !! =انا الحق عليا إلى مبحسسكوش ب آلامى _ف اى يحاجة .. انتى قاعدة مع ناس تانيين ؟ بقولك عاجبك الى انتى عملتيه ف المحل دا ! =انا الحق عليا .. كان المفروض اسيبه ياخد عنيك ادفع ادفع منتا على قلبك قد كد ادفع _الله اكبر .. اى دا .. مش كل دا ليكى ولعيالك =جوزتنى وخلفتنى ف ثانيه _ف اعتبار ما سيكون يعنى =حلوة الثقه لا حلوة بجد .. طب سؤال بق _اسألى .. =انت ظابط وكد وتق-تل الناس وبتعذبهم وبطفى السجاير ف خدهم وبتقطع وشهم وكد لغايه ميعترفوا _يخربيت افلام السبكى إلى شوهت منظرنا .. لا طبعا فيه قانون =مش عارفه اصلا واحد قمر زيك بعيون عسلى قالبه على خضرة وأبيضانى ظابط ازاى _ابا انا بحلم ولا اى .. دا اول مرة تقولى فيها كلمة حلوة =احممم _ايدا وبتحمرى كمان !! =مش انا بنت نسيت اقولك _يا اخى سبحان الله =متقولش لحد بق عشان ممكن اتحسد اتحقد _اتحقد .. انتى الافلام مأثرة عليكى جامد .. بس جميلة اوى وطيبه وساعات كد بتبقي لطيفه = ايدا انت بتعاكس _الصراحة اه =انا مش هصوت تدرى ليش لانك ماكذبت عليا .. تعرف احلى حاجة فيك اى _ايه =انك شبه ابوك القمر دا .. أكيد جدتك دعت لأمك ف ليلة قدر عشان امك يجيلها لهطة الجشطة دا _نفسي اسمع كلام منك زى إلى بتقوليه عن ابويا =لى شايفنى جايه من الشارع !! انا اعاكس الأكبر منى بس .. _يحزنى يانى يلا اهو نصيب =تعرف يا احمد .. محدش استحملنى قدك .. مع انى مطلعة عينك _مهى قدرات بق =للاسف يعنى انا مبسوطة انك ف حياتى وأننا هنتجوز انا بقول كد وانا حزينة جدا _انا عارف انك بطلعى الكلام دا ب اعجوبه .. انا مبسوط انى عرفت اخليكى تحبينى =احب مين يبا فوق كد بلا احبك .. هو عشان قولت كلمتين يبقي بحبك يشيخ حسبي الله ونعم الوكيل _يشيخة الله يحرقك .. فوتى قدامى .. عشان اروحك =ايدك جمبك لو سمحت .. انا بكلمك ب احترام .. _احترام أه .. طب اتفضلى قدامى .. .. *اوبا إلى القمر دا _هيهيهي دى بتعاكسك =سيبك منها وكملى طريقك *متعبرنا يمدمرنا _لا بق مبدهاش .. اي يحبيبيتى ف اى متحترمى نفسك شويه .. شايفاه ماشي مع كيش برسيل ولا اى .. انا ممكن اجيبك من شعرك .. ف امشي بالذوق بدل ماحدفك ف النيل دا .. _انتى فضحتينا =لو سمحت متتكلمش معايا .. انا طالعة البيت _طب ثوانى .. انتى عملتى كد لى !! =عشان هى قليلة الادب _بس !! =وعشان البت صاروخ الصراحة _بس !! =وعشان عندها حق تعاكسك _يوووه بس !! =وعشان .. عشان غيرت الصراحة _ولى بق !! =عشان خطيبتك واحترم نفسك بق _طب انا مبسوط أن انتى عملتى كد =وانا كمان _ومبسوط أننا خرجنا مع بعض =وانا كمان _ومبسوط انك خطيبتى =وانا كمان _بحبك =وانا كمان .. ايييه؟؟ _ اى جيتى على دى و اتخرستى بقولك بحبك =وانا كمان 💛 #رأيكم ف كومنت يفرحنى #اهو قالتله كلمة حلوة اهو 😂💛 #بقلم مريم سمير ⁦❤️⁩🌍”))#يوميات أحمد ومريم #تعالوا بق نرجع لتيم ابنهم الى كمل ال 24 سنة _مش تفتح !! =أنا أسف مكنش قصدى _ولا يهمك .. .. مشى وراها لغايه مدخلت كافيه ودخل وراها _ممكن اقعد معاكى اصل الصراحة انا اول مرة اكلم بنت وانتى حلوة اوى الصراحة =انت بتعاكس بق _اممم الصراحة انا مش معايا فلوس وعاوز اشرب قهوة =اه .. اتفضل اهو ناخد فيك ثواب _وكمان طيبه !! =بقولك ايه السكة دى مش بتاكل معايا وشكلك كلمانجى اوى _انا دا انا غلبان يعينى =اتفضل اشرب _شكرا يا … اه انتى اسمك اى =جميلة _الاسم مش الصفه =مش بحب انا الكلام دا يعم مش بتاكل معايا ب ربع جنيه _أنتى زي أمى اوى .. مطلعة عين ابويا كد على طول =هه .. _طب والله ضحكتك حلوة بق .. انا تيم ومحامى مع انى كنت عاوز اشتغل حرامى =حرامى !! هه لا انت مش طبيعى .. يلا بق سلام بعد اذنك _سلام يجميلة … _ماااامااااا =عاوز اى يبنى !! _عاوز اتجوز بق =اختارت مين _بنت جميلة شوفتها النهاردة =جاوبنى بصراحة يبنى بنت خالتك قصرت معاك ف حاجة!! _زى اختى يماما *طب وبنت عمك =زى اختى يبابا =لا منا مخلفتش غيرك بنت خالتك حلوة وطيبه _بس انا حبيت شكلى انا حبيت =محن من بتاع ابوك دا مش بحبه _مش بهزر والله.. هى زيك بالظبط =بتشغل اى اهلها مين عنوانها اى _مش عارف =نعم !! *سيبك منها وكلمنى انا .. اختار بنت حلوة وكيوت متغلطش غلطتى =انا حاسه يا احمد أن فيه لحسه قلة كرامة ليا *انا أقدر يست الكل ..بعدها بيوم _كنت عارف انك هتيجى تان =انت اى حكايتك بق _اصل .. اصل انا جاى اجبلك الفلوس بتاعت القهوة =لا طبعا مش هخدهم .. كانت عزومة _وكمان كريمة =لا جميلة اسمى جميلة _اه هتقلشى بق .. طب يستى انا عاوز اعرف عنوانك . =لي .. =عاوز اعرف الدش بتاعكوا بيجيب قنوات اى .. اكيد يعنى عشان اتقدملك _نعم !!! =ممكن تكبهولى _اممم .. اتفضل. .. =شكرا _رايح فين =اجهز نفسي وانتى كمان جهزى نفسك يا عروسه .. _يا واد يناصح عرفت تختار بختك مطلعش زى بخت اللي جابك =يا احمد والله حاسه ان دا تلقيح ليا _حاسه !! مش متأكدة يعنى .. =خايفه اظلمك فقل منك ومتعرفش تلم كرامتك منين ولا منين *أهلك لطاف اوى :هما على طول كد.. *مش كلامنجيين زيك يعنى : لا ابويا كان زيي بس أمى حرمته يقول كلمة حلوة.. بس اصبري .. بابا _نعم ي تيم :بتحب أمى قد اى _والله احنا الاتنين مع بعض بنهزر على طول .. بس انا عمرى مشوفت واحدة ف جمالها ..وعمرى ماحبيت حد غيرها والله .. انا بحبها قد الدنيا ..💛 :أصبري بق .. ماما انتى بتحبي ابويا قد اى!! =والله بدى اكذب بس استحى.. بس والله مفيش حد زيه مفيش حد استحملينى قده مع انى مطلعة عينه .. انا بجد لو مكنتش وافقت على ابوك كنت خسرت حلاوة الدنيا 💛 *ربنا يخليهم لبعض يرب :الكلام دا بيطلع كل 24 سنة *هه .. شكلنا هنبقي كد ف المستقبل :لو هنبقي زي أمى وابويا ف انا موافق جدا والله💛 #رأيكم ف الاسكربت من أوله 💛 #رايكم ف كومنت يفرحنى 💛 #خلصنا الاسكربت دا .. وأتمنى يعجبكم💛

مقالات ذات صلة

خلينا نطلع لشقتنا

معجزة ورق الغار ستجعل بطنك مسطحا وشعرك كثيف

قصة داليا محمد

كريم فهمي يحرج لميس الحديدي على الهواء.. ماذا فعل؟

انا والدكتور جوزي السبب

صرخه مدويه اطلقها

اترك تعليقاً إلغاء الرد