هخليكي تندمي

مجاهد ضحك جامد ووقف وقرب منها وقال بهمس قدام شفايفها ….عايز اطفي شوقي.. واخد حقوقي… فهمتي كده
حسنه هزت راسها بلا بسرعه و بخوف
ومجاهد ضحك جامد على شكلها وشدها بقوه من وسطها وهجم على شفايفها بقوه وجنون واديه بتتجرأ على جسمها
حسنه حاولت تبعد من بين ايديه بس ما كانتش قادره ابدا
لحد ما بعد عنها بالعافيه وبص لها قال….عسل يا بت العم عسل وصافي كمان
حسنه دفعته بقوه وبعدت عنه بخوف وقالت… انت اتجنيت انا مش قلت لك ما تقربش لو فاكر اني هعديلك اللي عملتو معاي واقول اتجوزنا وخلاص واعاملك على انك جوزي تبقى غلطان ولسه ما تعرفنيش.. انا عمري ما هعترف بيك جوزي يا مجاهد وهدعي ربنا يخلصني منك قريب
و لسه هتمشي مسكها من دراعها بغضب وقال بحده…. ا اعقلي يا حسنه ومتطلعيش جناني عليكي مش كل ما اهدى واقول هعاملك زين زي الخلق تفوري دمي..يلا غيري فستانك وخلينا نخلصو من الليله اللي ما عايزاش تعدي دي
حسنه دفعت ايده بغيظ وقالت… انا هغير الفستان لاني ما طيقاش اقعد بيه بيفكرني اني اتجوزت وسخ زيك

مجاهد رفع ايده بغضب وهو بيقول…. ما تلمي لسانك يا بت الرفضي احسنلك
حسنه حمت وشها بايدها بسرعه وخوف بس مجاهد ما قدرش يعملها ونزل ايده وبص بعيد منها بغضب وقال ….غوري من قدامي السعادي غورييييي
حسنه خافت منه وجريت على الدولاب اخذت حاجه تلبسها وراحت على الحمام بسرعه
تحت كان عرفان رايح جاي بغضب وقال لابوه… انا عايزه افهم كيف جالك قلب تعمل كده فيا هو انا اللي ولدك ولا هو… بتجوزوا عروستي ليه من قله الحريم… يا ابوي ده انت اللي قريت فاتحتي عليها وقلتلي انها ريداني وعلقتني بيها
ابوه اتنهد وقال….اهدى يا عرفان وانا هفهمك اللي حصل كله
عفان قعد وقال بغضب….اديني هديت..يلا قول اتكلم انا هتشل
ابوه قال بحزن…..كل الحكايه ان مجاهد كان رايد حسنه من زمان ومن قبل حتى ما اكلمها عنك ..بس انا لما روحت عشان اقول لها عليه هي فهمتني غلط وفكرتني بتكلم عليك وقتها فرحت وقالت لي موافقه هلاقي زي عرفان فين… انا مرضيتش اكسر فرحتها واقول لها اني قاصد مجاهد مش عرفان….. وقتها قلت لمجاهد انها ما رايدهوش وان كل شيء نصيب وقريت فاتحتكم …و كل حاجه كانت تمام لحد بعد ما انت سافرت جاتني حسنه وقالت انها غيرت رايها وعايزه تتجوز مجاهد