كانت مستخبيه في مخزن

وهي بتبص لملك
أستاذ أدهم.. حضرتك فاهم موضوع غلط، البنت دي تخصني، دي بنت جوزي المرحوم وعليها ديون لرجال أعمال كبار، وأنا جاية آخدها عشان نسدد اللي علينا..
أدهم ما بصلهاش أصلًا. فضّل باصص لملك، وقال بصوت واطي بس يرعب أي حد يسمعه
ديون مين؟ ومن إمتى أي حد يخص السيوفي بيتدفع فيه فلوس؟
نوال بصت بعينين زي الزجاج
بس دي مش تبعك.. دي..
أدهم بص لواحد من حراسه، وشار بأصبعه بس
خدوا الست دي والرجالة اللي معاها.. كمال الشاذلي يوصله خبر إن حسابه معايا أنا شخصياً من الليلة دي، ولو رجله عتبت المنطقة دي تاني.. مش هيشوف النور.
الحراس اتحركوا بسرعة البرق، ومسكوا نوال ورجالتها من أقفيتهم وخرجوهم بره المطعم وهم بيكتموا صړيخ نوال اللي كانت بتستغيث.
المكان رجع هادي تاني..
آدم شد إيد ملك وقال بابتسامة نصر
شفتي؟ قلت لك الفارس بتاعي هيعمل إيه!
ملك كانت لسه مش معقولة كل اللي بيحصل حواليها. جسمها كان بيرتعش من كتر الخۏف والضغط، الطاسة النحاس وقعت من إيدها على الأرض بعمل صوت مكتوم.
أدهم قرب منها، ومد إيده بثبات مسك كتفها عشان يثبتها قبل ما تقع
أنتِ كويسة؟
ملك بصت في عينيه، ولأول مرة حسّت إن الخۏف اللي كان ماسكها طول الأربع شهور اللي فاتوا بدأ يتبدد، بس كان فيه أسئلة كتير بتدور في دماغها
أنت.. أنت مين؟ وليه بتساعدني؟
أدهم بص لدلاية اللوتس اللي في رقبتها، وبعدين بص لآدم
آدم.. ادخل العربية مع عمك يحيى الحارس، سيبني مع ملك دقيقتين.
آدم كشّر وقال بجدية
بس يا بابا دي مراتي.. لازم أقف جنبها!
أدهم ابتسم ابتسامة خفيفة جداً، لأول مرة ملامحه الحادة تطرى
الراجل الصح بيمشي الأمور القانونية والأول ويتأكد إن خطيبته بأمان.. يلا يا بطل.
آدم اقتنع بالعافية، ومشي مع الحارس وهو بيلوح لملك بيده
مټخافيش يا ملك، أنا بره!
أول ما آدم خرج، أدهم وقف قدام ملك مباشرة، ونزل عينيه للدلاية ورفع إيده يشاور عليها من غير ما يلمسها
السلسلة دي.. بتاعت حسن المنياوي؟
ملك عينيها وسعت پصدمة، ودموعها جمُت في عينها
أنت تعرف أبويا؟! أبويا ماټ من 16 سنة في حريق الورشة بتاعته!
أدهم أخد نفس عميق، وطلع من جيب جاكيته تليفون أسود، فتح صورة قديمة ووراها لملك.
الصورة كان فيها أبوها حسن وهو أصغر بسنين، واقف جنب راجل تاني شابه أدهم جداً، وفي إيديهم تصميمات هندسية لقطع غيار وسلاسل توريد سيارات.
أبوكِ ماماتش في الحريق يا ملك.. حسن المنياوي هو اللي بنى السيستم المالي واللوجستي للشركة بتاعتي من 16 سنة. الحريق كان مدبّر عشان ناس كانوا عايزين يسرقوا أوراق اختراعاته ورسوماته.. أبوكِ هرب، واستخبى، لأن لو كان ظهر.. كان هيقتلوه ويقتلوكِ أنتِ وأمك معاه.
ملك كانت بتسمع والكلام ينزل عليها زي المطارق على دماغها
يعني