وافقت اتعشى مع جـ.ـوزي
منى ما نمتش طول الليل
كانت قاعدة قدام ليلى وموبايلها في إيدها والرسالة بتاعة نورا مفتوحة قدامها
في شخص تاني متورط
الجملة دي كانت بتتكرر في دماغها كل شوية
ليلى قربت منها وقالت
ماما إنتي مخبية عليا إيه؟
منى رفعت عينيها وقالت
أنا مش عارفة يا ليلى بس واضح إن اللي حصل الليلة دي كان مترتبله من زمان
ليلى مسكت إيدها وقالت
طب نعمل إيه؟
منى ردت من غير تردد
نكلم المحامية
على الساعة 7 الصبح كانت المحامية هالة عندهم
منى حكتلها كل حاجة من أول المكالمة لحد كلام نورا
هالة فضلت ساكتة شوية وبعدين قالت
في حاجة أهم من محاولة السرقة نفسها
منى سألتها
إيه؟
هالة طلعت ورقة من شنطتها وحطتها قدامها
التوكيل ده
منى بصت للورقة واتجمدت
إيه ده؟
هالة قالت
ده توكيل رسمي اتسجل امبارح بالليل
منى مسكت الورقة بإيد مرتعشة
لكن أنا ما مضيتش على حاجة
هالة بصتلها وقالت
أنا عارفة
عشان كده طلبت نسخة من سجل التوثيق
منى قربت الورقة من وشها
الإمضا شبه إمضتها بشكل يخوف
حتى الطريقة اللي كانت بتكتب بيها اسمها كانت موجودة
لكن فيه حاجة واحدة مش مطابقة
هالة أشارت لآخر الصفحة
التاريخ
منى بصت
التاريخ كان قبل العشا بيوم كامل
ليلى شهقت وقالت
يعني كانوا مجهزين الورقة قبل اللي حصل؟
هالة هزت راسها
وده معناه إن اللي حصل في المطعم ماكانش البداية
كان جزء من خطة أكبر
منى قامت من مكانها ومشت ناحية الشباك
وقالت
سامح كان عايز يوصل لإيه؟
هالة ردت
التوكيل بيديه صلاحيات واسعة على الشركة والحسابات والاستثمارات
منى حسّت إن نفسها اتقطع
يعني لو التوكيل اتفعل
هالة قاطعتها
ممكن يتصرف في جزء كبير من ممتلكاتك من غير ما تكوني موجودة
منى سكتت
وفجأة افتكرت حاجة
قالت
استني
سامح كان عارف إن أبويا سايبلي كل حاجة باسمي
هالة قالت
بالضبط
وده يخلينا نسأل سؤال أخطر
هو كان بيحاول يبعدك عن الشركة ليه من شهور؟
قبل ما منى ترد موبايلها رن
