بسنتين جواز

سكرتيرة
فتحت شنطتي اللي جبتها من الجراج كان فيها هارد صغير وأدواتي القديمة لسه محتفظة بيها زي ما الست بتحتفظ بدهبها
وصلت الهارد باللاب
وشغلت برنامج كنت كتباه بإيدي من 15 سنة
برنامج بيجرب يفك التشفير بالطريقة القديمة مش محتاج نت ولا حاجة
سيبته شغال وقمت عملت شاي
الساعة بقت 2 ونص بالليل
البرنامج لسه بيحاول
الساعة 3 و دقايق سمعت صوت تكة
الفولدر اتفتح
اللي جواه مكنش صور ولا أفلام
كان 4 فولدرات تانيين
واحد اسمه حسابات
واحد اسمه صور
واحد اسمه شغل
واحد اسمه خطط
فتحت حسابات
لقيت كشف حسابات بأسامي ناس كتير
تحويلات بملايين
وورق مزور
الراجل ده كان بيعمل غسيل أموال
بياخد فلوس من ناس شمال ويغسلها في شركات وهمية
وكان بيستخدم اسم بنتي
أيوه كان بيفتح شركات باسم بنتي من غير ما تعرف ويمضي بدالها
فتحت فولدر الصور
لقيت صور لبنتي وحفيدتي وهما نايمين
صور من كاميرا متركبة في بيتهم من غير ما يعرفوا
وصور لورق بنتي بطايقها وباسبورها
الراجل ده كان بيراقبهم في بيتهم
فتحت فولدر خطط
لقيت ملف وورد مكتوب فيه لو مراتي طلبت الطلاق هعمل ايه
كاتب هاخد البنت وهقول إن أمها مچنونة وعندها اكتئاب
وكاتب هسحب كل الفلوس وأقول إنها هي اللي صرفتها
وكاتب هبعت الصور اللي في البيت لأهلها عشان أخوفها
كنت بترعش
مش من الخۏف من القرف
راجل عايش مع بنتي 8 سنين وهي فاكرة إنه بيحبها وهو كاتب خطة يدمرها ازاي
قفلت اللاب
وصورت كل حاجة على الهارد بتاعي
ومسحت أي أثر إني فتحت الفولدر
ورجعت كل حاجة زي ما كانت
الساعة 4 الفجر كلمت صاحبتي الظابط المتقاعدة
قلت لها عايزاكي تيجي حالا معاكي حد من مباحث الأموال العامة تثقي فيه
قالت حصل ايه
قلت جوز بنتي بيغسل أموال وبيستغل اسم بنتي ومركب كاميرات في بيتهم
قالت يا نهار اسود أنا جاية
الساعة 6 الصبح كان عندي اتنين ظباط في بيتي لابسين مدني
وريتهم كل حاجة
واحد منهم قال الست دي كانت رتبة ايه في الجيش
صاحبتي قالت متسألش كتير دي كانت بتفك شفرات حلف الناتو نفسه
الظابط قال الملفات دي كفاية تحبسه 15 سنة
قلت مش عايزة تحبسوه دلوقتي
قال ليه
قلت عايزاه يجي برجليه
عملنا خطة
بنتي صحيت الساعة 8 لقيت البيت هادي
قلت لها اسمعي هتعملي اللي هقولك عليه بالحرف
قالت ايه
قلت