انت قصدك تتعاني في رجولتي

مش عارف
ساره بعد اذنك يا يوسف ما تكررهاش تاني
يوسف حاضر اتخمدي بقى
ساره اما اشوف حكايتك ايه
ساره ويوسف نايمين ساره بدات تفكر ليه يوسف عمل كده هو ممكن يكون معجب بيا زي ما انا معجبه بيه لا لا هو اكيد مش معجب بيا ولا حاجه انا بيتهيالي بس اكيد هو في نيته حاجه وحشه على العموم انا لازم احافظ على نفسي على قد ما اقدر ساره راحت في النوم
ادهم دخل على مريم مريم كانت غيرت هدومها ولبست برموده وتيشرت بكت وفردت شعرها كانت قاعده على السرير وماسكه التابلت بتاعها
ادهم انا اسف على كل الكلام اللي قلته بره انا عارف ان انا جرحتك في يوم زي ده وانتي طبعا كان نفسك يكون احسن يوم في حياتك
مريم لا عادي هو ما بقاش احسن يوم في حياتي ده بقى اسود يوم في حياتي
ادهم بص لها باستغراب انت هتنامي فين
مريم مكان ما انا قاعده على السرير ده وانت لو مش عاجبك انك تنام معايا في الاوضه روح شوف لك اي اوضه ثانيه
ادهم انا ما اتعودتش انا في حته غير اوضتي
مريم وانا ما عنديش مانع انك تنام معايا في الاوضه
مريم نامت وغطت نفسها باللحاف وادهم جاب فرشه وفرشه على الارض وحط مخده ونام على الارض
مريم قامت من على السرير
مريم انت ازاي هتنام على الارض تعالي نام علي السرير وانا هنام علي الارض
ادهم لا خليكي زي ما انتي
مريم انا ما عنديش مانع انك تنام جنبي على السرير
ادهم نامي يا مريم تصبحي على خير
مريم فردت فرشه ونامت على الارض
مريم انا ما بحبش ان انا اغير نظامك كل يوم بدام انت متعود تنام على السرير بتاعك اتفضل نام
ادهم بصي انا ما بحبش حد يكسر كلامي بدام قلت لك نامي يبقا تنامي
مريم حاضر
ادهم رجع تاني ينام على الارض
مريم على العموم براحتك انا عملت اللي عليا
ادهم نامي بقى وبطلي كلام
مريم حاضر مريم بدات تفكر ايه طبيعه الكائن اللي قدامها ده هل هو مريض ولا طبيعي شويه يقلب عليا ويغلط فيه وشويه بيبقى كويس وكلامه وكويس انا احترت بجد في طبيعه البني ادم اللي قدامي ده بدات تفكر لحد ما النوم غلبها ونامت
ثاني يوم الصبح مريم اول ما صحيت من النوم بصت على الارض شافت ادهم لسه نايم فتحت شبابيك الغرفه ادهم قام بصوت عالي
ادهم انتي يا زفته انتي اقفلي الشبابيك
مريم اولا انا ما اسميش زفته انا اسمي مريم ثانيا انا ما عملتش حاجه غلط ايه يعني لما فتحت الشبابيك
ادهم انا بقول لك اقفلي الشبابيك دي افهمي
مريم انا مش هقفلهم دي اوضتي وانا حره فيها
ادهم هههههههههههه انت نسيتي نفسك