الراجل العجوز دخل
جاله صوت راجل كبير
سيب الموضوع يا عبدالسلام
عبدالسلام اتجمد
الصوت كمل
إنت عارف كويس إن اللي حصل زمان كان لازم يحصل
عبدالسلام قال
إنت مين؟
ضحكة قصيرة طلعت من الطرف التاني
إنت لسه فاكرني؟
عبدالسلام سكت
الصوت قال
بص للصورة اللي في إيدك
عبدالسلام بص للصورة
ولأول مرة ندى شافته فعلاً مرعوب
الصوت قال
أخوك مش هو الشخص اللي خانك
عبدالسلام قرب الموبايل من ودنه
إنت عايز إيه؟
الصوت رد
عايزك تسأل نفسك سؤال واحد بس
مين اللي وقّع على الورقة اللي اتسببت في خروجك من الشركة؟
وسكت ثواني
وبعدين قال
لو عرفت الإجابة هتعرف مين ق/تل محمود
المكالمة اتقفلت
ندى حطت إيدها على بوقها
عبدالسلام فضل واقف مكانه
لأن لأول مرة بعد خمس سنين بدأ يشك إن موت صاحبه ما كانش حادث عادي
وفي نفس اللحظة وصلته رسالة على موبايله
فتحها
كانت صورة جديدة
صورة لوالدة ندى واقفة قدام المحل
وتحتها جملة واحدة
لو عايز تحميها قول لها الحقيقة قبل ما يفوت الأوان
ندى أول ما شافت الرسالة على موبايل عبدالسلام حسّت إن الدنيا لفت بيها
قالت بصوت مرتعش
إيه اللي حصل
عبدالسلام ما ردش
كان مركز في الصورة اللي فيها والدة ندى واقفة قدام المحل
وبعدين قال
ياسر خد معاك اتنين من الموظفين وروحوا عند والدتها
ندى قامت بسرعة
وأنا جاية معاكم
عبدالسلام مسك إيدها
لأ
ليه
عشان الشخص اللي بيهددنا عايزك تتحركي بعصبية
وإحنا مش هندي له اللي هو عايزه
ندى بصت له
بس دي أمي
عبدالسلام قال بهدوء
وأنا هحميها زي ما كنت لازم أحمي صاحبي زمان
بعد أقل من نص ساعة كان ياسر وصل للمحل ولقى والدة ندى جوه واقفة جنب الباب
أما الراجل اللي كان بيسأل عنها فكان اختفى
لكن على الترابيزة ساب ظرف
ندى فتحت الظرف بإيد بتترعش
كان جواه مفتاح قديم
وصورة لمخزن تابع للشركة
وعقد عمره أكتر من عشرين سنة
عبدالسلام أول ما شاف العقد سكت
ندى سألته
إيه ده؟
