طلقني غيابي
روايات_مشيره_محمدأحمد فضل واقف قدامي مش قادر ينطق بكلمة واحدة ومنى مراته الجديدة كانت بتبصله وبعدين تبصلي وهي حاسة إن الأرض بتتسحب من تحت رجليها أما أنا فكنت واقفة جنب كرسي حماتي الحاجة فاطمة وبحاول أتحكم في نفسي علشان ما أديش لأحمد فرصة يشوف دمعة واحدة في عيني أحمد قرب مني وقال بصوت واطي ـ سارة إنتي اتجننتي إيه اللي إنتي عملاه ده بصيتله بهدوء وقلتله ـ أنا اللي اتجننت يا أحمد ولا إنت اللي طلقتني من ورايا وزورت إمضتي واتجوزت واحدة تانية وإنت فاكر إن محدش هيعرف بص حواليه واتأكد إن مفيش حد قريب مننا وبعدين شدني ناحية جنب الحيطة ـ إنتي مش فاهمة حاجة الموضوع مش زي ما إنتي متخيلة ضحكت ضحكة قصيرة من كتر القهر ـ أمال زي إيه يا أحمد فهمني أنا عندي وقت أسمعك قال وهو بيحاول يحافظ على هدوء صوته ـ أنا كنت مضطر أعمل كده ـ مضطر تزـ,ـور إمضتي ـ اسمعيني بس ـ لأ إنت اللي اسمعني المرة دي أنا بقالي 3 سنين بسمع كلامك وبصدق وعودك وبقول بكرة أحمد هيتغير وبكرة هنعرف نعيش زي أي اتنين متجوزين لكن النهارده مفيش بكرة تاني منى قربت مننا وقالت بحدة ـ أحمد إيه اللي بيحصل هنا بالظبط وإيه حكاية إنك كنت متجوزها أحمد لف ناحيتها بسرعة
ـ منى الموضوع قديم وأنا كنت هفهمك كل حاجة بصتله بذهول ـ قديم إزاي وإنت قايل لي إنك كنت منفصل عنها من أكتر من سنة وإن إجراءات الطلاق خلصت من زمان أنا هنا ما قدرتش أسكت طلعت صورة من الورق اللي معايا ومديتهالها ـ اتفضلي يا منى دي صورة من السجل المدني تاريخ الطلاق 15 يناير وتاريخ جوازكم 22 يناير يعني بعد أسبوع واحد بس منى خدت الورقة وإيديها كانت بتترعش وهي بتقرا ـ إنت قلتلي إنك مطلق من زمان يا أحمد أحمد حاول ياخد الورقة من إيديها لكنها بعدت عنه ـ سيبي الورقة يا منى صرخت فيه ـ ما تلمسنيش إنت كدبت عليا في إيه تاني في اللحظة دي حماتي الحاجة فاطمة بدأت تطلع صوت مكتوم وتحرك إيدها اليمين بصعوبة نزلت لمستواها بسرعة ـ مالك يا ماما فاطمة حاسة بإيه كانت عينيها متعلقة بابنها وبصعوبة شديدة قدرت تقول كلمتين متقطعين ـ يا أحمد عيب أحمد اتجمد مكانه أمه اللي بقالها سنتين مش قادرة تتكلم كويس قدرت تقول كلمتين بس كانوا أتقل عليه من أي اتهام قرب منها وحاول يمسك إيدها ـ يا أمي إنتي مش فاهمة الموضوع لكنها سحبت إيدها بصعوبة وبصت الناحية التانية وأنا حسيت بوخزة في قلبي رغم كل اللي حصل لأن الحاجة فاطمة ما كانتش مجرد
