بقى لي شهر عند امي
وفي أول صف من الحضور، كانت أخته وأمها قاعدين ووشوشهم مصفّرة من الخوف والفضيحة، وأول ما شافوني، نزلوا عيونهم في الأرض ومقدروش ينطقوا بحرف واحد. القاضي الجليل دخل وقعد على منصته بكل هيبة، وطلب بدء الجلسة. وقف المحامي بتاعي بكل ثقة وقدم المستندات والأدلة القاطعة: عقود الجواز العرفي المزورة، تفريغ مكالمات مرات أخويا وأخت أحمد اللي بتثبت التواطؤ والتدبير لإخراجي من الشقة، وشهادة الجيران، وتحريات المباحث اللي نسجت خيوط القضية بوضوح الشمس.
وكيل النيابة رافع رأسه وبص للمحكمة وقال بصوت جهوري:– يا فندم، المتهم لم يكتفِ بطرد زوجته وأم أولاده بغير وجه حق، بل قام بالتواطؤ مع أطراف خارجية وداخلية لتلفيق الأسباب والإتيان بامرأة أخرى بطرق غير شرعية داخل مسكن الزوجية، مستغلاً طيبة الضحية وتضحياتها لسنوات طويلة في رعاية والدته العاجزة.. وبناءً عليه، تطالب النيابة العامة بتوقيع أقصى عقوبة على المتهم ومن عاونوه، مع إلزامهم بدفع تعويضات مادية وأدبية ضخمة، وتمكين الزوجة من كافة مستحقاتها الشرعية والقانونية!
أحمد اتهز جوه القفص، وبص لي بنظرة كلها ترجي وانكسار، ورفع صوته وقال بصوت مكسور:– يا سيادة القاضي.. أنا غلطان.. أنا أسف.. اتركيها تتنازل، دي أم ولادي وعشرة عمري!وقفت في مكاني بكل ثقة، وطلبت إذن الكلمة من القاضي. القاضي أومأ براسه بإذن التحدث. بصيت لأحمد وبصوت ثابت وقوي هز جدران القاعة، قلت:– عشرة عمرك؟! لما كنت بسهر على راحة أمك وإنت مسافر، مكنتش عشرة عمرك؟
لما طردتني أنا وولادي في الشارع في عز الليل عشان كيس شيبسي، مكنتش عشرة عمرك؟ ولما اتفقت مع أختك ومرت أخويا عشان ترميني وتجيب دي مكاني، مكنتش عشرة عمرك؟! الطيبة ملهاش تمن غير إنكم دستوا عليها، بس الجبروت له نهاية.. وأنا هنا مش هتنازل عن حرف واحد من حقي!القاعة كلها أبدت تعاطفها، وقاضي التحقيق والمحكمة مخدوش ثواني في المداولة.
وبعد دقايق معدودة، رفع القاضي الجلسة ونطق بالحكم التاريخي:– حكمت المحكمة حضورياً، بمعاقبة المتهم أحمد بالحبس سنتين مع الشغل والنفاذ، ومعاقبة الممرضة بالسجــ,,ـــــن سنة، وتغريم المتهمين تضامنياً مبلغ مليون جنيه تعويضاً أدبياً ومادياً للزوجة، مع تثبيت التمكين المنفرد لشقة الزوجية وشقة أخرى، وإلزامهم بنفقة شهرية دائمة للولاد!الصدمة وقعت على أحمد وأهله زي الصاعقة، أخته وأمها قعدوا يصرخوا في القاعة لحد ما الأمن أخرجهم، وأحمد سقط على ركبه جوه القفص وهو بيعيط بحــ,,ـــــرقة.
