ايه اللي يخليك

ضغطت علي أيده وهمست:
-ده كان زمان خلاص قبل ما أنا ادخل حياتك

سكت شويه بعدها قال بخوف:
-خايف اتعود عليكي
-ليه بتقول كده
رفع حاجبه:
ـ بتخافي من إيه؟
ـ خياف أتعود عليكي واعتمد عليكي وبعدين تزهقي وتختفي.

مردتش انما سندت راسها علي صدره وحاوطته وهي بتهمس بنبره مخنوقه بالدموع:
-عمري ما هسيبك ولا عمري هزهق انا ما صدقت لاقيتك
انت كنت حلم يا غيث!

سند رأسه فوق راسها وحاوطها وسكت وهو جواه مليون سؤال ومليون شعور أكبرهم شعور الخوف

★★★★★★★★★★★★★★★★★★★★★★★

بعد مرور يومين

دخلت بالصينية. الريحة قلبت الأوضة

قالت بمرح:
ـالغدا وصللل عمايل ايديا وحياه عينيا

ابتسم ابتسامه بسيطه وقال:
-ريحته حلوه

حطته قدامه وقالت بحماس:
-بس طعمه احلي

مد إيده يحاول يلمس المعلقة فحطتها قدامه من غير ما يحس

مسكها وبدأ يحاول ياكل
مع كل مرة كان يفشل
مره المعلقه تقع
مره الأكل يقع
مرة يخبط في الطبق

مسكت أيده وقالت برقه:
-ممكن تسمحلي

بلع ريقه بتوتر:
-ا اسمحلك بأيه
-أأكل جوزي

ابتسم بسخرية مريرة:
-عادي متعود علي فكره

قعدت جنبه ومسكت أيده ضغطت عليها وهمست بنفس الرقه والحنان:
-بس انا دلوقتي في حياتك واللي اتعودت عليه زمان وانا مش موجوده كله هيتغير انا سبق وقولتلك اني هكون عيونك وعكازك تسمحلي اأكلك؟

اتنهد تنهيدة طويله بعدها هز رأسه بأستسلام:
-اسمحلك

بدأت تأكله وهو مستسلم وفجأه سألها:
-عرفتي اي معلومات؟

ايديها اتعلقت وقلبها اتنفض بخوف وسكتت شويه

-تولين
-هه م معاك معلش كنت بتقول ايه
-بقولك عرفتي اي معلومات

دست معلقه في بوقه وهمست بخفوت:
-لا
-بدأتي تدوري اصلا ولا لا
-دورت بس الفكره أن صعب نلاقيها
-ليه صعب
-في مليون بنت شعرها اورانج وعيونها عسلي

سكت شويه وسرح يحاول يفتكر اي علامه كانت في وشها بعدها قال بشرود:
-بس مفيش مليون بنت شعرها اورانج وعيونها عسلي وعندها وحمة في كف ايديها!!!

اتنفضت وقلبها دق بتوجس:
-وحمههه؟!!!
-ايوه

قربت منه المعلقه وهمست بشرود:
-ا اه وبعدين
-وبعدين ايه
-ا اقصد يعني ادور عليها ازاي
-مش عارف بس حاولي تتصرفي
-انت هتستفاد ايه من انتقامك ده يا غيث

هز رأسه بحيرة:
-معرفش
-طب تسمع رأي
-اسمع
-متفكرش ولا تحاول تدور عليها
عيش حياتك وانسي

-انسي!!!
-ده ابتلاء احتسب واصبر واكيد ربنا هيعوضك
بغض النظر عن أنها غلطت
وبعدين يا غيث انا سمعت أن انت كان في إيدك تعمل عمليه لكن رفضت