ايه اللي يخليك

-ايوه رفضت
-طب وليه
-عشان نسبه نجاحها ٣٠٪ بس
يعني لو فشلت عيني هتتشوه وبدل ما ابقي اعمي هبقي اعمي وشكلي وحش و……

قاطعته لما حطت ايديها فوق بوقه:
-وليه متتفائلش،مش يمكن لو عندك ثقه وإيمان في ربنا تنجح

رد بضعف:
-عندي ثقه في ربنا لكن غصب عني خايف انا بني ادم

مسكت أيده وطبعه بوسه رقيقه في باطن كفه:
-انا معاك متخافش خلينا نعمل العمليه

اتنهد وهز رأسه بنفي:
-ارجوكي متضغطيش عليا
انا مش عايز اعمل عمليات
انا رضيت بقضاء ربنا

بص قدامه وهمس بشر:
-بس طول مانا عايش مش هسيب حقي ولا هسيبها تتهني

بص في عيونها وعيونه حمرا رغم أنه مش شايفها:
-هدمرها زي ما دمرتني
هحرق قلبها
هخليها تتمني الموت الف مره في الدقيقه

بلعت ريقها وايديها اتهزت ومقدرتش تنطق حرف

★★★★★★★★★★★★★★★★★★★★★★★★
في يوم

كان غيث قاعد جنب تولين مميل برأسه فوق كتفها فجأة رفع رأسه وقال بهدوء:
-انتِ ليه مش عايزة توصفيلي شكلك؟

اتوترت تولين، وفركت صوابعها بخوف:
-ع عشان عشان حابه اول مره تشوفني وانت مفتح

ابتسم ابتسامة خفيفة وقال:
– طب خليني اتخيل شكلك دلوقتي عندي فضول

بلعت تولين ريقها بصعوبة:
-م ماشي

وبدأت توصفله ملامح بعيدة تمامًا عن حقيقتها:
– أممم… شعري أسود وطويل، وعيوني ضيقة شوية ولونها بني غامق … وبشرتي خمرية،وقصيرة شويه طولي١٥٨ ورفيعه

سكت غيث لحظة وبدأ يبتسم وهو بيتخيل شكلها

تولين بأرتباك:
-ساكت ليه
-بتخيل شكلك
-وشكلي حلو ولا لا
-قمر

ابتسمت ابتسامه باهته وهمست:
-زي حبيبي
-صحيح آدم صاحبي شويه وهيجي هنا
-ليه في حاجه
-انا كلمته وهو هيساعدك

بلعت ريقها بخوف:
– ه هيساعدني في ايه
-تلاقي البنت
-ا ازاي
-معرفش بس هو قالي انا هدور مع تولين

كانت لسه هترد بس الباب خبط

اتنفضت تولين وقلبها دق بتوجس

غيث بأستغراب:
-مالك اتنفضتي ليه
-هه م مفيش ه هروح اشوف مين

مسك ايديها وقعدها:
-خليكي ده اكيد آدم
ادخل يا آدم

فتح “آدم” باب الاوضه ودخل :
-السلام عليكم
– وعليكم السلام.

قعد آدم معاهم، ودار بينهم كلام قصير عن الشغل وتجهيزات وبعد لحظات، سكت آدم وبص لغيث بتردد، قبل ما يسأله:

– بقولك إيه يا غيث… إنت لسه فاكر شكل البنت اللي خبطتك؟

جز غيث على أسنانه، وقال بمرارة:
– عمري ما هنسى شكلها يا آدم. مستحيل أنسى أي تفصيلة فيها.