حماتي ما استنتش
اللي ماسكة كوباية الشاي.. ابتدت تترعش
أمي كملت.. بنفس الهدوء.. الظرف الأولاني.. اللي ب 50 ألف.. ده هدية للعرسان.. من حقهم هما الاتنين.. يتقسم.. يتعمل بيه شهر عسل.. يتحط في البيت.. هما حرين.. بس الظرف التاني.. اللي ب 100 ألف.. ده مش هدية جواز.. ده فلوسي اللي محوشاها من وهي عندها 11 سنة.. كنت بكنس سلالم العمارة.. واخد 20 جنيه.. أحط 10 في البيت و في الحصالة.. عشان اليوم ده.. عشان لو جوزها زعلها.. يبقى معاها فلوس تروح تجيب شقة وتقعد فيها.. متتحوجش لحد
حماتي بلعت ريقها.. وقالت.. وأنا ايش عرفني.. الظروف كلها شبه بعض.. أنا.. أنا كنت بلمهم عشان أحافظ عليهم..
أمي ابتسمت.. وقالت.. عارفة.. وعشان كده عزمتك.. عشان أساعدك تحافظي عليهم كويس.. أصل الظرف اللي ب 100 ألف.. أنا كنت مصوراه.. قبل ما أحطه في الصندوق.. صورة بالموبايل.. عشان أوريه لخالتها.. وكان جواه.. مش فلوس بس.. كان جواه ورقة.. مكتوب فيها.. بخط ايدي.. دي تحويشة عمر أمك.. من عرقها.. متديهاش لحد.. حتى لو جوزك
حماتي قالت بسرعة.. أنا.. أنا مفتحتش حاجة.. أنا لميتهم زي ما هما..
أمي قالت.. أيوه.. مانا عارفة.. وعشان كده.. جوزي الله يرحمه.. قبل ما ېموت.. قالي.. لو حصل حاجة للفلوس.. روحي للراجل اللي بيصور الفرح.. هو بيصور الصندوق طول الليل.. كاميرا ثابتة.. عشان يصور مين حط ايه.. عشان لو ظرف ضاع.. يعرف مين اللي حطه
حماتي وشها بقى أصفر
أنا كنت قاعدة مش مصدقة.. أمي بتألف.. مفيش ظرف ب 100 ألف.. ومفيش كاميرا بتصور الصندوق.. بس هي بتعمل فيلم.. فيلم ړعب لحماتي
أمي قامت.. جابت موبايلها.. وفتحت فيديو.. فيديو فاضي.. أسود.. وقالت.. بصي.. المصور لسه بعتلي الفيديو دلوقتي.. شايفة؟.. دي انتي.. بتاخدي الظروف.. وبتحطيها في شنطتك.. شايفة الظرف اللي عليه وردة حمرا؟.. هو ده.. ده بتاع ال 100 ألف.. اللي فيه الورقة اللي بخط ايدي
حماتي قامت وقفت.. وقالت.. أنا.. أنا كنت هارجعه.. والله كنت هارجعه.. أنا بس.. أنا صرفت 80 ألف على الفرح.. وقلت.. بدل ما اطلب منهم.. آخد حقي..
أمي قالت.. 80 ألف؟.. طب انتي عارفة أنا صرفت كام؟.. صرفت 85 ألف.. واستلفت 15 ألف من أخويا.. يعني 100 ألف.. ومع ذلك.. ممديتش ايدي على جنيه واحد.. عارفة ليه؟.. عشان الهدية.. مش تمن الفرح.. الهدية.. دي حب الناس للعرسان.. مش فلوس بتترد
وبعدين أمي وطت صوتها.. وقالت.. بصي.. أنا مش عايزة أعمل مشكلة.. بنتي بتحب ابنك.. وابنك بيحب بنتي.. وأنا مش عايزة أول خناقة بينهم تبقى بسببك.. وبسببي.. فأنا هديكي حل.. يرضي ربنا
حماتي قالت.. وهي بټعيط خلاص.. ايه هو؟
أمي قالت.. الظروف كلها.. زي ما خدتيها.. ترجع.. بكرة الصبح.. في شنطتك.. لبيت بنتي.. وتديها لبنتي في ايدها.. وتقوليلها.. معلش يا بنتي.. أنا كنت خاېفة
