لما حمايا ساب طبق
مسكت إيده ومنعته يتحرك
وقالت
“لأ”
سكت
فكملت
“المرة دي أنا اللي عايزة أتكلم”
البيت كله سكت
حتى الولاد وقفوا بعيد بيتفرجوا
بصت نوال لأحمد وقالت
“إنت قريت الجواب؟”
أحمد بص لأبوه وبعدين قال
“أيوه يا أمي”
حمايا اتوتر
“أي جواب؟”
نوال ردت من غير ما تبصله
“الجواب اللي كنت خايفة أكتبه من ٨ سنين”
حمايا حاول يقاطعها
“إنتي لسه تعبانة ومش واعية للكلام اللي بتقوليه”
صرخت لأول مرة
“أنا كنت واعية طول الـ٨ سنين يا عبدالعال”
سكت
قالت
“بس كنت خايفة”
نزلت دموعها وهي بتكمل
“فاكر يوم ما بعت فلوسي اللي كنت محوشاها طول سنين عشان تساعد أحمد يبدأ شغله؟”
حمايا ما ردش
قالت
“إنت أخدت الفلوس واشتريت بيها نص البيت اللي عايشين فيه”
أحمد بص لأبوه بصدمة
“يعني البيت نصه بتاع أمي؟”
نوال هزت راسها
“أيوه”
عبدالعال قال بسرعة
“أنا كنت بصرف على البيت وعلى العيلة”
ردت عليه
“وده مش بيديك الحق تاخد تعبي وتحطه باسمك”
وبعدين طلعت من شنطتها ملف قديم
وحطته قدام أحمد
وقالت
“أنا احتفظت بالأوراق دي ٨ سنين”
فتح أحمد الملف
وكان فيه إيصالات تحويلات قديمة وعقد ملكية ومستندات تثبت إن جزء من تمن البيت اتدفع من فلوس أمه
عبدالعال حاول ياخد الملف
لكن أحمد سحبه منه
وقال
“ليه عملت كده يا بابا؟”
حمايا سكت
لأول مرة ماكانش عنده رد جاهز
نوال بصتلي وقالت
“وأنا كمان كنت غلطانة”
استغربت
قالت
“غلطت لما علمته إن الست لازم تشيل كل حاجة لوحدها”
وبصت لعبدالعال
“وغلطت لما خليتك تفتكر إن خدمتي ليك كانت حق مكتسب”
حمايا نزل عينه
وأحمد وقف جنب أمه وقال
“ماما أنا آسف”
مسحت دموعها وقالت
“أنا مش عايزة اعتذار يا أحمد”
وبصت ناحيتي
“أنا عايزة منك ما تكررشي اللي شوفته طول عمرك”
أحمد قرب مني
وقال
“عندك حق”
وبعدين لف لأبوه
“من النهارده كل واحد في البيت مسؤول عن نفسه”
عبدالعال حاول يعترض
