بعد ما فقدنا ابننا
هنا
بصيت حواليها
مفيش غير محل قديم مقفول وكشك جرائد صغير
سألتها
هو كان بيقابلك هنا؟
هزت راسها وقالت
كان بيقعد جوه المحل ده
قربنا من الباب
وكان واضح إنه مقفول بقاله فترة
جوزي لاحظ حاجة صغيرة جنب الباب
رقم مكتوب بالقلم على الحيطة
طلعه من جيبه الورقة اللي لقيناها في العلبة
وقارن الرقم باللي مكتوب عليها
وبص لي
هو ده المكان
دخلنا نسأل صاحب الكشك اللي جنب المحل
أول ما جوزي وصف له ابني الراجل سكت
وبعدها قال
أنا فاكر الشاب ده
كان بييجي هنا كتير قبل ما يموت
سألته بسرعة
كان بييجي لمين؟
بص حواليه كأنه خايف حد يسمعه
وقال
لراجل اسمه شريف
جوزي سأله
وشريف ده مين؟
الراجل رد
مش عارف بالظبط
بس كان دايما بيقابله بالليل
وكان بينهم كلام كتير
وبعدين قال جملة خلتني أحس إن الأرض بتتحرك من تحتي
آخر مرة شفت ابنكم فيها كانت قبل الحادثة بيومين
جوزي مسكه من دراعه وقال
يعني إنت شفته قبل الحادثة؟
هز راسه
آه
وكان شكله خايف
وقال لي إن لو حصل له حاجة لازم حد يعرف الحقيقة
سألته
حقيقة إيه؟
قال
ماعرفتش
بس كان ماسك فلاشة صغيرة
جوزي سكت لحظة وقال
فلاشة؟
الراجل هز راسه
وقال
وقال لي إنها فيها دليل يثبت إن حد كان بيراقبه
أنا حسيت بدموعي بتنزل
ابني ماكانش رايح الجامعة في اليوم اللي حصلت فيه الحادثة
كان رايح يقابل حد
والشرطة قالت لنا وقتها إنه كان راجع من الجامعة
بصيت لجوزي وقلت
يعني ممكن يكون تقرير الحادثة كله غلط؟
قبل ما يرد سمعنا صوت ليان من ورا ضهرنا
ماما
لفينا ناحيتها
كانت واقفة قدام المحل ووشها متغير
قالت
أنا فاكرة
إيه اللي فاكراه؟
قالت
أخويا كان بيقولي إن الفلاشة دي مش أهم حاجة
سألتها وأنا مذهولة
أمال إيه الأهم؟
بصت لنا وقالت
قال لي إن أهم حاجة موجودة في مكان محدش هيفكر يدور فيه
جوزي قرب منها بسرعة
فين المكان ده؟
