يا بت يا حور انت لسه عيله صغيرة
حور عينيها دمعت من الفرحة لاول مرة تسمع منه كلمة بحبك جريت عليه وحضنته وقالتله انا مش عايزة منك غير الكلمة دي يا زين انا راضية اعيش معاك خدامة تحت رجليك طول العمر بس متبعدش عني وزين مقدرش يمسك نفسه اكتر من كده حضنها جامد وقالها سامحيني يا بنت عمي سامحيني على كل يوم وجعتك فيه.
ومن ساعتها زين راح لخالته امينة وبنتها فريدة وقعد معاهم وقالهم يا خالتي يا امينة انتي عارفة معزتك عندي قد ايه وعارف اني وعدت ابوي اني اتجوز فريدة بس انا خلاص حبيت حور ومقدرش اظلمها معايا ولا اظلم فريدة فريدة تستاهل راجل يحبها هي وبس مش راجل قلبه مع واحدة تانية وامينة الست الطيبة قالتله يا ولدي يا زين الوعد اللي كان بين ابوك وخالتك كان عشان يستر فريدة وانا اهو عايشة وبقولك انا مسامحاك في الوعد ده روح يا ابني ربنا يسعدك انت وحور وفريدة ربنا هيعوضها باحسن منك.
فريدة بكت شوية بس من جواها كانت فرحانة لحور لانها كانت بتحبها زي اختها وقالت لزين ربنا يخليكم لبعض يا زين وانت يا حور خلي بالك منه ده طيب قوي بس مخه ناشف زي الحجر وحور حضنتها وقالت لها عمرى ما هنسى وقفتك جنبي يا فريدة.
وامجد اللي طلع الاشاعة على حور اهل البلد كلهم عرفوا كدبه لما اشرف كبير البلد جابه وضربه علقة قدام الناس كلها وخلى ابوه عبد العظيم يطرده من البلد كلها ومن ساعتها محدش قدر يجيب سيرة حور بكلمة وحشة تاني.
وزين وحور عاشوا بعد كده احلى ايام حياتهم زين بقى يحبها في النهار قد ما كان بيحرسها في الليل وبقى يناديلها يا حوري يا وجع قلبي وهي تقوله يا ولد عمي يا سندي وعبد العظيم وامينة وزينب واشرف وفريدة كانوا فرحانين بيهم وبيقولوا اخيرا الحب انتصر على الوعد والستر انتصر على كلام الناس.
حور خلفت لزين ولد زي القمر سموه عبد العظيم على اسم ابوها وزين كان شايله طول النهار ويقول ده ولد عمي ووجعي الصغير وده اللي هيشيل اسمنا من بعدنا وحور كانت بتبص عليهم وتضحك وتقول الحمد لله يا رب على كل حاجة الحمد لله انك عوضتني بعد كل الوجع اللي شفته.
وفي ليلة من الليالي زين قاعد مع حور في البلكونة بيبصوا على النجوم وزين قالها تفتكري يا حور لو مكنتش الاشاعة دي طلعت كنا هنتجوز برضه وحور ضحكت وقالتله قضاء ربنا يا زين لو مكنتش حصلت كنت انت هتفضل هربان مني وانا هفضل اجري وراك زي العبيطة لحد ما اموت.
