يا بت يا حور انت لسه عيله صغيرة
وكان زين كل يوم الصبح قبل ما ينزل الغيط يعدي على فرن العيش يجيب لحور العيش السخن اللي بتحبه ويحطه جنبها من غير ما يقول انه هو اللي جابه وكانت زينب امها تقولها شفتي يا بتي الراجل لما يحب بيعمل المستحيل من غير ما يتكلم وحور كانت تبتسم وتقول يا امه انا كنت فاكرة انه مش بيحبني اتاريه بيحبني اكتر من روحه بس كان ساكت.
وفي يوم كانت فريدة تعبانة قوي وامها امينة بعتت لزين وحور يروحوا يشوفوها وزين خد حور وراحوا لبيت خالته امينة ولقوا فريدة سخنة ونايمة في السرير وحور قعدت جنبها طول الليل تعملها كمادات وتديها الدوا بايدها وفريدة فتحت عينيها وقالت لها انتي طيبة قوي يا حور انا اللي كنت غيرانة منك وانتى بتعامليني كده حور قالت لها انتي اختي يا فريدة عمرك ما كنتي غريبة.
وبعد كام شهر جه شاب اسمه امجد تاني غير امجد الوحش ده كان اسمه امجد برضه بس ده كان طيب وابن حلال شاف فريدة في السوق وعجبته وراح طلب ايدها من امها امينة وامينة فرحت قوي وقالت لفريدة ايه رايك يا بتي وفريدة وافقت وقالت انا عايزة ابدأ حياة جديدة مع راجل يحبني انا وبس والفرح بتاع فريدة كان احلى فرح في البلد وزين وحور كانوا اول ناس بيرقصوا ويزغرطوا لها.
وعبد العظيم ابو حور كان كل ما يشوف زين يقوله تسلم يا ولدي يا زين انت رفعت راسي قدام البلد كلها وسترت عرضي وربنا هيكرمك عشان نيتك الطيبة وزين كان يرد عليه ويقوله يا عمي عبد العظيم ده واجبي وحور دي مش مراتي وبس دي بنت عمي اللي لحمها من لحمي ودمها من دمي ومحدش يقدر يمسها طول ما انا عايش.
وحور في مرة كانت قاعدة بتغسل المواعين وبتغني اغنية قديمة كانت امها زينب بتغنيها ليها وهي صغيرة وزين سمعها من برا ودخل عليها فجأة وقالها ايه الصوت الحلو ده يا حور انتي بتغني لمين قالت له بغني ليك انت يا ولد عمي يا وجعي فضحك وقالها طب غني تاني كده عايز اسمع صوتك كل يوم وهي اتكسفت وقالت له لا يا زين بطل هزار بقى الناس تسمعنا قالها خلي الناس تسمع ان مراتي صوتها زي العسل وانا بحبها.
وكانت الليالي في بيت زين بقت كلها دفا وحب بعد ما كانت برد وجفا وزين بقى ينام جنب حور كل ليلة ويحضنها ويقولها نامي يا حوري وانا سهران بحرسك زي زمان بس الفرق ان زمان كنت بحرسك من بعيد ودلوقتي بحرسك وانتي في حضني وحور كانت تنام وهي مطمنة انها اخيرا بقت في المكان اللي طول عمرها بتحلم بيه حضن ولد عمها اللي كان وجعها وبقى دواها.
