في ليله دخلتنا

الجدة كانت قاعدة في أول صف ودموع الفرحة في عينها، وجنى كانت طالعة قدامنا بتوزع ورد على الأرض، وأمجد جه مخصوص من الدنمارك عشان يحضر.

لما شافني بفستان الفرح الأبيض، ضحك وقال لي:

“فريدة.. أنتِ متأكدة المرة دي؟”

قلت له بثقة:

“متأكدة أوي يا أمجد.”

بص لي وابتمس بامتنان وقال:

“يبقى مبروك يا سيتي.. بس لو زُعلتِ في يوم من الأيام…”

رفعت حواجبس وضحكت: “هتعمل إيه؟”

قال لي بضحك: “هاخدك معايا الدنمارك فوراً!”

ضحكت وقلت له: “عارفة والله.”

المزيكا بدأت، وأنا مسكت إيد الجدة ودخلت الكنيسة.

كان نفسي أبويا يكون معايا اليوم ده، بس طالما هو مش موجود، كان أملي الوحيد الجدة تكون جنبي.

الجدة كانت بتعيط ومسكت إيدي جامد:

“فريدة يا بنتي.. سامحيني.”

هزيت راسي وقلت لها بحنان:

“يا تيتة بلاش نكد النهاردة! أنا مبسوطة بجد.”

ابتسمت وسط دموعها وقالت: “الحمد لله يا بنتي.. ربنا يسعدكم.”

عاصم كان واقف في آخر الممر، أول ما شافني عينيه احمرت والدموع لمعت فيها.

قربت منه، ومد إيده وأخد إيدي بين إيديه.

المأذون بدأ المراسم وقال:

“اتفضل يا عريس، قول كلمتك لعروسك.”

عاصم بص لي، أخد نفس عميق، وبعدين قال قدام الكل:

“فريدة.. أول يوم اتجوزنا فيه، أنا قلت كلمة قاسية أوي.. قلت البنت اللي بتمناها مش أنتِ.”

المكان كله سكت، وكمل عاصم وصوته بيترعش:

“دي كانت أكبر غلطة ارتكبتها، وأخدت سنين طويلة عقبال ما أفهم يعني إيه حب بجد.. الحب مش امتلاك، ولا شرط، ولا فلوس ومسؤولية بنربط بيها الناس بالعافية.. الحب احترام، وود، ومشاركة.”

دموعه نزلت على خده، وكمل بصدق:

“أنا مش هقدر أوعدك إني مش هغلط أبداً.. بس بوعدك إني عمري ما هسكت ولا أوجعك بالبرود تاني.. هحكي لك لما أكون زعلان، وهسمعك لما تكوني متضايقة، وهفضل دايماً فاكر إني معاكي عشان أنا عايز ده من كل قلبي.. مش عشان فرَضت عليكي حاجة.”

دموعي نزلت، فكمل عاصم وهو بيغمس الخاتم في إيدي:

“شكراً إنك اخترتيني تاني يا فريدة.”

مسكت الميكروفون وقلت له:

“عاصم.. زمان كنت فاكرة إن مجرد وجودي جنبك كفاية.. بس بعدين فهمت إن محدش ينفع يخسر نفسه عشان يحافظ على بيت.”

ابتسمت وقلت له:

“أنا مشيت، وعشت لوحدي، واتعلمت إزاي أحب نفسي بحق.. وعشان كده أنا واقفة هنا النهاردة، مش كواحدة مستنية راجل يحن عليها، بس كست كاملة بتمسك إيد الراجل اللي اختارته بكامل إرادتها.”